Cuandu acuta esa nueche / ensin alboreceres, / apúrreme / el caberu golor de la mimosa, / xunto al pulsar prestosu / de la tierra qu'alienda. / Y sema a los mios pies, / anque nun sientan, / el baltir calecíu / de tolos ochobres que vendrán.
"Ochobre" (1989)
Devolvéime / la moñeca de trapu / de les coletes roxes, / onde se colingaben / les cintes de collores / y los llazos. // Devolvéime / aquel collaciu / de papos colloraos, / güeyos de miel, / guedeyes de panoya, / que xugaba conmigo so la escoba / a facer de xinete enmascaráu. / Y aquel cabás / que yera de maera, / el mandilón de cuadros, / los borrones azules / de la tinta. // Devolvéime / aquel puente / que cruciaba con priesa pa la escuela / y aquel ríu / / Y si non... / si non / encerráime pa inxamás / nesi cuartu escuru de los suaños.
«Devolvéime»
Suscribirse a:
Enviar comentarios (Atom)
No hay comentarios:
Publicar un comentario