Senegalesa

Di-yos que pregunten por mí
na aldea de Thiaroye, ellí conócenme,
saben quién ye mio madre y qu-y llamen
Ndiéme, saben quién ye la mio hermana Bébé,
cuála ye la mio casa, ellí conócenme.
Di-yos que pregunten por mí a la vieya Misia
que me vio nacer y que me curó del fiebre
y tuvo una vez na ciudá de Thies a por un diente d'ouro,´
que pregunten por mí al mio primu Makaloy
que lleva a los turistes na so barca de pesca.
Que pregunten a la mio xente, ellí conócenme.
Dí-yoslo.Nun tengo papeles pero ellí saben quien soi.
Ellí conócenme.

Berta Piñán